E diplomuar ne Itali dhe Shqiperi, kam dhene mesim prej vitesh gjuhen italiane ku shumë studentë kanë marrë provimin Celi B2, gjithashtu eksperiencë në menaxhim biznesi, trajnime të shumta, profil tur

Mësoni më shumë rreth Lamllari

• A e flisni këtë gjuhë rrjedhshëm për shkak të origjinës suaj, apo sepse një mësues ju frymëzoi ta mësoni?

  Unë këtë gjuhë e flas rrjedhshëm për arsye se e kam studiuar shumë mirë nga ana gramatikore. Gjithashtu, jetesa ime në Itali prej 8 vitesh, ku kam kryer dhe studimet e larta, edhe kam punuar me italianë, më ka bërë që t’a perfeksionoj këtë gjuhë. Gjuha italiane që e vogël ka qenë pjesë e pandarë e jetës time, pasi gjithë kohës
  kam pasur kontakt me italianë nga ana profesionale, gjithashtu kam dhe disa vite eksperiencë në mësimdhënie.

• A mund të përmendni një personazh të gjallë, historik apo fiktiv që mendoni se është përfaqësues simbol i kulturës së kësaj gjuhe?

  Po, mund të përmend figurat historike si Leonardo da Vinci, Dante Alighieri etj, gjithashtu aktoren e famshme, ende gjallë Sofia Loren apo Adriano Celentano, prezantuesen Maria de Filipi, figurë politike që ka ndërruar jetë Z. Berlusconi dhe aktualen Znj. Meloni.

• A ka një fjalë, shprehje, traditë, apo sjellje tipike në këtë gjuhë që ju pëlqen në vecanti?

  Më pëlqen fjala “splendore”, shprehje të ndryshme si “Non e’ bello cio’ che bello ma e’ bello cio’ che piace” , “ Se per il mondo non sei nessuno, per qualcuno sei tutto il mondo”, “Non tutto cio’ che lucica, e’ oro”, etj. Ajo cfare më pëlqen nga italianët, është kortezia e tyre, sjellja, komunikimi, kujdesi ndaj vetes.

• Pse ka rëndësi për ju të flisni këtë gjuhë?

  Unë jam rritur me këtë gjuhë dhe duke qenë se e njoh shumë mirë gjuhën italiane, si atë të përditshmen dhe atë zyrtare, për mua është shumë e rëndësishme dhe e bëj me pasion të transmetoj dijet e mia tek të gjithë personat që dëshirojnë t’a mësojnë këtë gjuhë për arsye pune ose shkolle.

• Cila është vështirësia kryesore në mësimin e kësaj gjuhe dhe çfarë mund ta ndihmojë procesin e të mësuarit?

  Asgjë nuk është e vështirë. Thjesht duhet të kuptojmë mirë tipologjinë e studentit dhe të përshtaten metoda dhe teknika në bazë të moshës dhe për cfarë i duhet. Asnjëherë nuk mund të jepet një mësim njëlloj. Përvec pjesës gramatikore që nuk e anashkalojmë dot se është baza, cdo gjë tjetër përshtatet dhe spontaniteti, komunikimi dhe durimi janë pikat e mia të forta.

• Na tregoni një histori që lidhet me mësimin e gjuhës, ose me kohën kur ju keni qenë në shkollë.

  Më tepër po tregoj një kronologji të shkurtër.
  Që kur isha e vogël, shikoja filmat vizatimorë si psh. Tom&Jerry në italisht. Kur isha në gjimnaz, kisha shumë dëshirë të kryeja studimet e larta në Itali dhe studiova gjuhën italiane sepse ishte kusht të certifikoheshe me nivelin B2. Ia arrita dhe më dukej vetja shumë mirë, por kur nisa studimet në Itali, kur fillova të kisha kontakte me institucione, më dukej sikur sdija asgjë. Vitin e parë të universitetit e kam kaluar me fjalor në dorë. Duke studiuar, duke komunikuar dhe punuar, arrita në nivelin që italianët nuk dinin se isha shqiptare, vetëm kur thoja emrin, më thonin “ Ah ma non sei italiana”, Eh, no.

• Si ju ka ndihmuar të udhëtuarit, ose një udhëtim specifik për të rritur aftësitë dhe njohuritë tuaja në këtë gjuhë?

  Gjatë kohës që kam jetuar në Milano, kam vizituar rreth 70% të Italisë duke shkuar në qytete dhe fshatra të ndryshme. Kjo gjë më ka bërë të kuptoj se sa dialekte të ndryshme ka Italia që jo vetëm ndryshojnë me rajone por dhe me qytete dhe unë kam aftësinë edhe t’i kuptoj dialektet apo të kuptoj se nga cili rajon mund të jetë një shtetas Italian.

• Çfarë ju bën një Superprof në gjuhë të huaja?

  - Njohja themelore e gjuhës
  - Komunikimi
  - Korrektësia
  - Serioziteti
  - Durimi
  - Solariteti
  - Pozitiviteti