E diplomuar në Teori politike, jap mësime në të gjithë profilin e shkencave sociale, filozofi, sociologji, qytetari, ekonomi, histori për klasat në AF. Trajnime për mësuesit në arsimin parauniversitar

E njoh Malvinën prej kohësh si mësuese të shkencave sociale dhe mund të them me bindje se është një profesioniste e vërtetë. Gjatë orëve që kemi zhvilluar së bashku, më ka ndihmuar shumë të përmirësoj rezultatet e mia dhe të kem më shumë vetëbesim. Ajo është shumë metodike, e komunikueshme dhe krijon gjithmonë një ambient komod për të mësuar. Çdo nxënës që do të zgjedhë të punojë me të do të jetë në duar të sigurta. E rekomandoj me nota maksimale në Superprof!

Mësuesja më e mirë dhe më profesionale që kam njohur, dhe mbi të gjitha me një shpirt madhështor.

Profesore Malvina është një profesioniste e shkencave sociale, me metodologjinë e përzgjedhur dhe përshtatur në varësi të nevojave dhe interesave të nxënësve të saj. Trajtimi i temave filozofike dhe sociale me shembuj realë dhe të prekshëm, mundëson që kushdo të kuptojë thelbin e mendimit filozofik dhe ta ketë të mundur ta vendosë atë në zbatim në të ardhmen.
Si një ish-nxënës i saj për 2 vite dhe më pas koleg i saj, e garantoj plotësisht devotshmërinë dhe pasionin që ajo mbart për tematikat që vendos të trajtojë.
E rekomandoj për këdo që dëshiron të nisë nga bazat, për të ndërtuar më tej mendime më të plota e të qarta rreth koncepteve të lëndëve që ajo shpjegon.

E rekomandoj pa hezitim mësuesen time te dashur. Për shumë vite më ka dhënë mësim me profesionalizëm, përkushtim dhe seriozitet. Ka krijuar gjithmonë një ambient pozitiv për të mësuar dhe ka ndikuar shumë në zhvillimin tim. Jam shumë mirënjohëse për punën dhe mbështetjen e saj.

E njoh zysh Malvinën që kur isha në klasë të pestë, dhe që prej asaj kohe e kam ndjerë gjithmonë pranë – jo vetëm si mësuese, por si një grua e nënë që ka ditur të më kuptojë dhe të më këshillojë. E zonja në profesionin e saj e për më tepër ka ditur ta bëjë mësimdhënien të ndjeshme, të afërt, të kuptueshme. Shpjegimet e saj e kanë patur gjithmon të lehtë të jetojnë në mendjen time.

Një tipar i zyshës (prej të preferuarve të mi) të dëgjon me kujdes e më pas, afrohet duke të udhëhequr në zgjedhjet e duhura. Veç profesionalizmit mësuesja ime ka edhe zemër. Ka durim, mënyrën e të folurit, dhe mbi të gjitha, dëshirën për të dhënë më të mirën. Di të frymëzojë dhe të krijojë një ambient ku çdo njeri ndjehet i sigurt dhe i vlerësuar.

Me mua ka qenë edhe psikologe në shumë momente. E dashur, e kujdesshme, me një aftësi të veçantë për të parë përtej asaj që dukej edhe shprehja. Më ka ndihmuar jo vetëm të mësoj për rregulla e ligje (veç këtyre edhe filozofinë) por edhe të rritem.