E diplomuar në Arsim Fillor, ofroj mësime online dhe fizikisht për nxënësit e klasave 1–5, individualisht ose në grup.

Mendoj se në arsim ka rëndësi të ketë njerëz që nuk e shohin punën e tyre vetëm si një detyrim, por që duan të shohin edhe rezultatet e saj. Të ndihmosh një nxënës të kuptojë diçka që më parë i dukej e vështirë, ta nxitësh të mos heqë dorë apo ta ndihmosh të zbulojë aftësitë e veta janë gjëra që kërkojnë angazhim të vërtetë. Këto janë arsyet pse e konsideroj të rëndësishëm rolin e saj si mësuese.

Jam shumë e kënaqur me të. Kam parë goxha përmirësim te vajza ime që kur ka filluar të mësojë me të. Ka shumë durim, shpjegon shumë mirë dhe di të gjejë mënyrën si t’ia bëjë fëmijës një gjë të kuptueshme. Më pëlqen shumë edhe mënyra si komunikon me fëmijët, sepse i bën të ndihen rehat dhe njëkohësisht i mban të fokusuar. E rekomandoj me shumë qejf.

Më ka pëlqyer shumë komunikimi me të dhe fakti që është gjithmonë e buzëqeshur dhe pozitive. Për një prind është shumë e rëndësishme të dijë se fëmija është në duar të mira. Unë këtë siguri e kam ndjerë që në fillim dhe rezultatet ma kanë konfirmuar.

Një falenderim të madh për mesuese Raelën që ka arritur jo vetëm të shpjegojë mësimin sa më thjeshtë, por edhe ta bëjë fëmijën tim më të pavarur në punën e tij dhe kjo është ajo që vlerësoj më shumë. Jam shumë e kënaqur me rezultatin dhe do ta rekomandoja pa menduar gjatë.

Profesionalizëm, përkushtim dhe njerëzi janë disa nga cilësitë që e karakterizojnë. Një mësuese që nuk përcjell vetëm njohuri, por edhe vlera, motivim dhe besim tek nxënësit. Meriton vlerësim dhe rekomandim të sinqertë.

Një mësuese që e rekomandoj me shumë kënaqësi. Është e përkushtuar, korrekte dhe shumë profesionale në punën e saj. Shpjegon qartë, tregon durim dhe krijon një marrëdhënie shumë të mirë dhe, mbi të gjitha, të motivon të mësosh dhe të përmirësohesh vazhdimisht.